I teenei raa i haere mai a whaea Esther noo te peeke puutea o ASB. I rawe tana akoranga, i kite ngaa tamariki i ngaa puutea rerekee, aa, me peewhea hoki ki te hoko mea mai i te kaari. I puurangiaho mai te matauranga e paa ana ki te putea a rangi ki te peeke puutea. I ako hoki raatou me peewhea nei ki te whiwhi puutea mai te mahi.  Ka mau te weehi!

I te raa 26 0 Maehe i haere a Te Moana Nui a Kiwa ki te papa kararehe.  I miharo rawa a maatou nei raa na te mea i ako maatou i te whakapapa o  ngaa tipu, karerehe hoki. Naa matua Koha i whakaaturia te whakapapa mai i a Ranginui raaua ko Papatuuaanuku. I rawe te haerenga. I kite maatou ngaa puungawerewere. I weri rawa eetehi o ngaa tamariki naa te rahi. Ko ngaa karerehe pai  ki a raatou ko te Cheetah, ko te kiwi me ngaa kaki roa. Ka mau te wehi!

I a te Raamere, ka haere ngaa tamariki o  Te Aho o Rongo ki te puna kaukau o Manurewa. I reira i ako raatou i ngaa pukenga e  paa ana ki te kaukau. I ako ngaa tamariki ki te rewa, te pupuru haa ki raro i te wai, ki te ako hoki i ngaa moo ahuatanga o te kaukau. I rawe a raatou mahi ki te wai. Kotahi noa te akoranga e toi ana. E rawe tamariki maa!